Фикирри зун чуькьвезва ,
Зал , зи кьисмет хъуьрезва.
Айгьам аваз хъуьруьна
Гьат лугьузва гуьгъуьна.
Къалгъанрани гьатзава
Рагарни кваз кьат1зава.
Гьак/ ят/ани язух зун
Адахъ галаз катзава.
Алад, кьисмет ву вилик
Зун гуьгъуьна къекъведа.
Галат хьайи са юкъуз
Чун кьулухъни элкъведа.
Гьатна лугьуз гуьгъуьна
Заз къаргъишар ийимир
Уьмуьрдин юкь атайла
Кьулухъни вун хъфимир.
Чида заз а кар хъсан
Вахъ къуватар авайди.
Чуьнуьх жез зи далудихъ
Гьамиша вун галайди.
Агь кьисмет твадач санал
Кьуьл эцягъиз дабанда.
Гагь къведа заз хъел вакай
Уьмуьр тагай Ватанда.
Гагь рази я валай зун
Агатайт/ан векъизни.
Лув гуз твазвай дагълара
Экв гузвай зи рекьизни.
Кьисметдихъни вичин сир
Авайди заз гьаян я.
Зун зи пак кьисмет авай
Вири хьтин инсан я.
Кьисмет
© Copyright: Гулья Мисриханова, 2018
Свидетельство о публикации №118071500186
Свидетельство о публикации №118071500186
Рецензии