Мубарак
Жагьдешла г1ямруличив
Пагьмуртани виц1ибси,
Салим, х1ед саламтачил
Дак1илра дарган рурсби.
Верх1кьярякьли духъули,
Дерхъаб х1ела пагьмурти,
Дарганти разибирес
Ватаби х1у арали.
Гьарбизла ва игъбарла
Биаб г1ямрула гьуни,
Нешла ва нешла мезла
Даим х1урмат бирули.
Дикалра сецад дусми,
Пагьму бугали калаб,
Г1ямруличи г1яшикьли
Михъирлаб тимхъ зайбик1аб.
Салиму Герейбекову
© Copyright: Хадижат Омарова, 2018
Свидетельство о публикации №118071005343
Свидетельство о публикации №118071005343
Рецензии