**
Люблю я ліпеньскія ночы,
Калі па небе ходзяць хмары.
Твой голас я люблю, і вочы,
І тое, што хаваеш мары.
Маўчыш, калі пра іх пытаю,
Хоць бачу, што ў вачах чарнее
Бязмежжа мора, як без краю,
Кіпучае, і вецер вее
Над морам у тваіх вачах,
Над сумам у тваіх начах.
Люблю я ліпеньскія ночы,
Калі па небе ходзяць хмары
Такія ж чорныя, як вочы
Твае, і пенныя, як мары.
Люблю, калі па мне ўздыхаеш,
І дзякуй, што мяне кахаеш.
05. 07. 2018 г.
Люблю я лiпеньскiя ночы...
© Copyright: Юрий Боровицкий, 2018
Свидетельство о публикации №118070509252
Свидетельство о публикации №118070509252
Рецензии