***
Неба хмарнае застыла
І вісіць, як парасон.
Што сягоння неба сніла
І які прысніла сон?
Мо прысніла, як бярозы
Пра каханне шапацяць?
Ці яно прысніла грозы,
Што наваламі ляцяць?
Мо прысніла спелых вішань
Зоркі цёмныя ў садах?
Ці як хтосьці вершы піша –
У сваіх шчаслівых снах?
Што сягоння неба сніла?
Мо раскажа вешчы сон?
Неба хмарнае застыла –
Ружы дзіўнае бутон.
04. 07. 2018 г.
Неба хмарнае застыла...
© Copyright: Юрий Боровицкий, 2018
Свидетельство о публикации №118070404043
Свидетельство о публикации №118070404043
Рецензии