Къаш къаралгъан, тек ай гёрюнмей кёкде,
Булутлулукъ чарслы этген айланам.
Тиклендирсенг сигьру къаравунг гёзге,
Сююв отну ялынлары жанлана.
Гьасиретлик юрегимни елеген,
Сюйсюнмединг билме ону къайгъысын.
Эшитмеге ушатмайлын тилейген,
Шыбышлайгъан тавушумну маънасын.
Бюлбюл къушну тавушудай тийишли,
Бал кюмесни шербетидей чачылгъан
Чыкъмас дагъы гюлню атир ийисли,
Тегенеги юрегиме чанчылгъан.
Къаш къаралгъан
© Copyright: Адилгерей Минатуллаев, 2018
Свидетельство о публикации №118061607918
Свидетельство о публикации №118061607918
Рецензии