Ну дубурлан рурсира,
Дубуртазир ак1убси,
Аллагьла ахъриличил
Дунъя, Ват1ан дагьурси.
Дубурланна асилдеш
Жинсличирад касира,
Ч1умадиуб дила дебш,
Нешла а ниъ дерхъила.
Амма наб, муэр кьяйда,
Тах шагьар гьалабилзи,
Багьудлумачи гьуц1ли
Чуйнара гьанк1 балтаси.
Бег1тас кьадар ах1ерси
Багьудила чебях1си
Дурарухъунра гьуйчи.
Дубурацад кьасличил.
Къунзрик1улра шагьаркад,
Дубурланни калунси,
Бирис пахру урк1икад,
Рашули к1аналичил.
Дубуртас икрамрик1ус
Дубурлан бяркъ гибнилис,
Тах шагьарла къалалис,
Ахъли ну ахъруцнилис.
Дубурландеш
© Copyright: Хадижат Омарова, 2018
Свидетельство о публикации №118061102967
Свидетельство о публикации №118061102967
Рецензии