Салам, халаси рузи,
Г1урра рак1илра х1ечи,
Г1узрумала г1янд арзес,
Ах1ерси, кумекличи.
Г1ямрули рамсахъурси
Ну дубурлан рузила
Кьас саби лякьиррухъес,
Бура урк1ила х1елара.
Х1едалукъира х1уни
Чула мез, г1ядатуни,
Дурх1ни гьарахъ улкала
Бег1барри багьудили.
Лерилра г1илмуртала
Мяг1ни-х1ял дагьахъурли,
Дубурлан дурх1нас х1уни
Абзур дунъя гьаргбарри.
Гьанна агара нушаб
Гьалабиз сегъуналра,
Интернетла кумекли
Дунъя алавбирулра.
Чинар диах1еллира,
Гъамтачил бирар бархбас,
Урус рузи, баркалла
Цаибти багьудлумас.
Х1ела г1ях1дешли нуни
Зурба дунъя гьаргбарра,
Лералцадх1и миц1ирли,
Или гьунар хъумх1ертисра.
Урус учительницас
© Copyright: Хадижат Омарова, 2018
Свидетельство о публикации №118061102843
Свидетельство о публикации №118061102843
Рецензии