Агь, хала неш, хала неш,
Цаибил коммунистка,
Гарасван х1у ахъсили
Наб мурталра гьанриркуд.
Агь, хала неш, хала неш,
Риради т1алабчерси,
Илбагьандан дургех1е
Нушара чекайзурти.
Агь, хала неш, хала неш,
Риради рахъ духуси,
Бара дак1удухъунмад,
Ленин г1илму делч1унси.
Партиялис х1у марли
Ребк1айчи калунсири,
Верх1ел шила сельсовет
"Большевик Салиматри".
Агь, хала неш, хала неш,
Тухтурри х1у, дяхънуша,
Мурч1ай гипс кадирхьули
Шила дурх1нас гьанбиркур.
Г1якьлукар, гьалар хили
Сек1ал балан риради.
Бархибси манзил лябкьни
Нушази аргъахъири.
Агь, хала неш, хала неш,
Агуд х1у дунъяличир,
Ак1убх1ели г1яг1нидеш
Х1ела пасих1дешличи.
Агь, хала неш,
© Copyright: Хадижат Омарова, 2018
Свидетельство о публикации №118061102604
Свидетельство о публикации №118061102604
Рецензии