Ачухарда на чи гуьгьуьл
Чан Ватандин ачух билбил!
Ша , сегьнедиз хьанва вахъ вил
Виридаз магьшур Фаризат!
На сегьнеда вегьез камар
Сивел гевгьер , гъилихъ цамар.
Къалурна на , чаз ви гьунар
Лезгийрин абур Фаризат!
Ви сесиниз авай туш тай
Худади ваз ганва и пай.
Ава ваз чи халкьдин патай
Гьуьрметни хатур Фаризат!
Ма , и цуьквер ваз лап яргъай
Салам хьиз я, ваз зи патай!
Лугьуз к/анзава ваз, Сагърай!
Чаз чим гузвай , нур Фаризат!
Фаризат
© Copyright: Гулья Мисриханова, 2018
Свидетельство о публикации №118061000485
Свидетельство о публикации №118061000485
Рецензии