Гьикьвадар вун хьайитlани зурба яз,
Чун халкь авур Халикьдиз гьуьрмет ая.
Кьегьалвилер вине кьун чаз туба я,
Намусдикай на жуваз девлет ая.
Фикир, фагьум тагай ч1авуз гафариз,
Зайифда ам, пая хьана ахкьада.
Рахадайла мецив гьава юзариз,
Куллухравай ужуз беден цlрада.
Ахмакьвилиз кlан хьайитlа вине кьаз,
Ягьантариз, пад илисда акьулдал.
Алахъдач ам акьулдикай бине кьаз,
Акьуллуди гьакьни-негьякь батlулда.
Гъалатl жемир, вил эцигна капарал,
Дустни душман чир авун чи мурад я.
Уьзягъ хьурай чун лайихлу крарал,
И уьмуьрни авахьзавай са яд я.
Аман- минет, тавакъу я Халикьдиз;
Пардадикай вилер чи азад ая!
Ухшар тахьай негьякьризни, фасикьриз,
Бахтлу кьисмет чи халкьдиз макьсад ая.
Гьикьван на жув лагьайтlани зурба я...
© Copyright: Магомед Мирзоев Мирзой, 2018
Свидетельство о публикации №118060908886
Свидетельство о публикации №118060908886
Рецензии