Бизин къумукъ къызланы
Намусу бар, ягьы бар,
Сыймасдай орамлагъа
Юрегимни агъы бар.
Айниней олай болмас,
Сюювден къолай болмас,
Сюемен деп айтасан,
Сюеген шолай болмас,
Айниней арив геле
Тасма къыллы къомузгъа,
Сени сюювюнг яхшы
Капотума омузгъа.
Айтгъан сёзлеринг къайда,
Ёл къырыйда орманда?
Яра салдынг жаныма,
Табылмасдай дарман да.
Тёбе башда-уьч терек,
Уьчюсю де- тегенек,
Къыйын гелгир жанынга,
Менден артыкъ не герек?
Аяз гечелер ярыкъ,
Ай чыкъса, булут ярып,
Дюньямны малындан артыкъ
Бир сенсен магъа тарыкъ.
Сыймасдай дюньялагъа
Юрегимде агьым бар,
Чыдамасакъ не амал,
Намусу бар, ягъып бар.
Сюювню намусу
© Copyright: Зумурут Даидова, 2018
Свидетельство о публикации №118060809479
Свидетельство о публикации №118060809479
Рецензии