Гюнлер гете ,ойлап сени ,
Айлар гете агъ-зар булан ,
Ойлашмадым, ойлар мени
Оьлтюредир ,оьктем улан .
Ойлашмадым ,сюювюнгден
Къоркъув гючлю чыгъар деп,
Уьстюн гетип сююв менден,
Мени шулай йыгъар деп .
Ойлашмадым ,сююв мени
От-ялындай алар деп,
Яратгъаным юрегимни
Шу гьаллагъа салар деп .
Гюнлер гете,ойлап сени ,
Айлар гете ойлап сени ,
Шунча сени ойлайгъанда ,
Бир сама да ойла мени .
Гюзню гюню гюнгюрт тюсде,
Гюнгюртлюкде гюзню кёгю .
Учуп бара турна сирив,
Пашман йырын кёкден тёгюп .
Турна сирив учуп бара,
Пашман йырын магъа къоюп ,
Сагъынчларым юрек яра ,
Юрек болмай сенден тоюп .
Ойлашмадым
© Copyright: Зумурут Даидова, 2018
Свидетельство о публикации №118060809209
Свидетельство о публикации №118060809209
Рецензии