Расул гамзатов дустар уьрхяй!

РАСУЛ ГАМЗАТОВ: ДУСТАР УЬРХЯЙ!

Аьгъю йибхь, йиз дуст, гъярхьбан ва дуствалин кьимат.
Гьялаки диванвалин гунагь мап1ан.
Дустриинна вуйи хъял саб герендизт1ан даршул.
Думу улубзуз гьялак махьан.

Мумкин ву, яв дуст учв гьялак хьуз,
ва аьгъдарди увуз гиран ктап1уз.
Тахсир гъабхьуншул, хил алдабгъ гъапуншул –
уву дугъаз чан гунагь к1ваин мабхан.

Инсанар, ухьу шулахьу кьаби ва йирси,
ихь йисар йигъар гъягърурихъ улихь.
Рягьятди ихь дустар хлиан адахьурайихь.
Хъа хъиршуз дурар фукьан дарин читин.

Вафалу гьяйвнин ликриз зиян дубхьну
уьлюбгъиш, вая лику гъабшиш,
мап1ан дидин тахсир, хъа – ап1ин рякъ
ва думу гьюдюхюз мап1ан ял вая гьял.

Инсанар, Заанур бадали, учвкан т1алаб вуйиз,
нач мап1анай ичв ап1ру ужувлахьан!
Жилиин дустар думукьан алдарихь,
ихтият йихьай дурар дудругди уьрхюз.

Узу жара къайдйирихъ хъади гъахьунза,
йиз зяифвалиан писвалихьан гуч1бу.
Йиз уьмриъ фукьан узу йиз дустар гъитунзу,
хъа фукьан дустар узхьан гъахьну ярхла.

Гьаддихъан фукьан жарйир гъахьунзухъ
Йиз аьсрин читин йигъариъра кмиди.
Фукьан узу швумал гъахьунзу
фукьан дурар гъахьунзуз гьудрук1ди
узхъан гъудургу йиз дустар гьякьи.

Гьамус учву вари рякъюз юк1в убгурайиз,
саб фила вуш узу ккунди гъашидар,
саб ражари узу хил алдадабгъдар,
ясана узкан хъюлар кмиди гъуздар!

Н. Гребнёвдин переводдиан.