Чида , заз рагъ эк/идай вахт
Т/ебиатдин къанунарни.
Сагърай! Уьмуьр заз тухдалди
Фуни гана , къафунарни.
Чида заз и чилин шардал
Гьахълу крар я лап т/имил
Уьмуьрдинни са пай шад яз,
Муькуь пайни фида сефил.
Чида заз мад и дуьньяда
Мугьман тирди , хъифидалди.
Залан дерт я, я инсанар!
Гъурбатда хьун , рекьидалди.
Чида заз, цуькверин хуш ни
Кьарадавай дувуларни.
Зун бахтлу я , лагьай рушни
Михьи авур чакъуларни.
Чида заз зи ч/алан хилер
Рутул, Ц/ахур , Агъуларни.
Чалай чешне къачуз физвай
Гележегдиз, хтуларни.
Чида заз
© Copyright: Гулья Мисриханова, 2018
Свидетельство о публикации №118052808433
Свидетельство о публикации №118052808433
Рецензии