***
Я – чалавек, які толькі ўмее
З грудкі зямлі здабываць хлеб…
Максім Танк
Лагодны майскі вецер
Гне серабро асін.
Мы ад Міколы ў леце,
Вясна ляціць у сінь
Прастораў, што над лесам,
Туманаў над ракой.
Жывём мы інтарэсам,
Што вырасцім рукой:
Якое ўзыдзе зерне,
Абыдзе як гарод,
І што зямля нам верне,
Ці будзе недарод.
Адно мы толькі ўмеем,
Што з грудак на раллі
Да восені паспеем
Соль паспытаць зямлі.
26. 05. 2018 г.
Лагодны майскi вецер...
© Copyright: Юрий Боровицкий, 2018
Свидетельство о публикации №118052603626
Свидетельство о публикации №118052603626
Рецензии