(Пераклад верша Сяргея Бударына з рускай мовы)
Ранак на неба лугах
Статак баранаў пасе.
Зорка ў барвовых шаўках
Сонца за рукі вядзе.
Вушы развесіў лапух.
Музыка ў небе ляціць.
Ранак, вясёлы пастух,
Золатам рогу трубіць.
Ціха вароты рыпяць,
З крыкам лятуць журавы.
Ранішнім светам звіняць
Цэрквы ў барвовай далі.
Поўнач... Між зор чарадой
Статак баранаў плыве.
З пасмай на скронях сівой
Месяц па небе ідзе.
Звяў каля плоту лапух.
Глуха, што п'яніца, спіць.
Поўнач, самотны пастух,
У рог залаты не трубіць.
Ціха вароты рыпяць.
З неба пайшлі журавы.
Светам сусветным гараць
Цэрквы ў нябеснай далі.
2017
Ранак на неба лугах - Сяргей Бударын
© Copyright: Мария Руслановна Шебанец, 2018
Свидетельство о публикации №118051708813
Свидетельство о публикации №118051708813
Рецензии
