***
Сёння на захадзе неба ружовае.
Хмары навіслі. І бэз зацвітае.
Будуць дажджы. І жыццё будзе новае,
Гэта яно навальніцу вітае.
Зазелянеюць палеткі вясновыя.
Бэз зацвітае, маланку чакае.
Зноў парасоны раскрые кляновае
Лісце, нібыта прыкмета такая.
Хмары навіслі. І бэз быццам просіцца
Ўмыцца маланак бліскучых агнямі.
Бэз зацвітае, і пах яго носіцца
Пад ліхтарамі з вятрамі начамі.
14. 05. 2018 г.
Сёння на захадзе неба ружовае...
© Copyright: Юрий Боровицкий, 2018
Свидетельство о публикации №118051409504
Свидетельство о публикации №118051409504
Рецензии