(Пераклад верша Ірыны Іваськовай з рускай мовы)
Ноччу ўсе коткі шэрыя.
Акрамя, зразумела, чорных.
Чорныя коткі ўночы –
цені хвілін рухомых.
Шэрыя коткі ў змроку.
Усе, акрамя белых –
Слуг каралевы снежнай
недзе ў мірах ільдзелых.
Коткі рудыя ўночы
бурштын кіпцюроў сваіх востраць
Проста аб чорнае неба –
хай зоркамі-кроўю сыходзіць.
І паласатая котка
шэраю не бывае.
Такіх па начах матросаў
мора ўпотай збірае...
Вось калыханка выйшла –
прасціне снатворныя дробкі.
Шэрымі ўночы стануць
адны толькі шэрыя коткі.
2015
Калыханка - Ирына Иваськова
© Copyright: Мария Руслановна Шебанец, 2018
Свидетельство о публикации №118051207274
Свидетельство о публикации №118051207274
Рецензии
