Асветленыя сонейкам,
Стаяць зімы палацы.
Шатрамі-парасонамі
Імкнуцца павітацца.
Аздоблены праменнямі,
Пакрыты пазалотай.
Прыгожымі адценнямі
Мігцяць усім у ахвоту.
Алмазы прыхаваныя
У снежных вежах белых.
Яны - зачараваныя,
Чакаюць толькі смелых.
Брыльянтавыя сцены
Прывабліваюць бляскам.
Такія габелены
Не бачылі і ў казках.
Дарогу да красы той
Хацелася б знайсці,
Але туды не трапіць
Ніколі ў жыцці!
Зiмовыя палацы
© Copyright: Евгения Петракевич, 2018
Свидетельство о публикации №118051105127
Свидетельство о публикации №118051105127
Рецензии