Ахіні мяне крыламі цемры,
Абудзі мяне ў свет небыцця.
Забяры з майго розуму шэрань,
Разбуры цяжкі прывід жыцця!
Абдымі мяне, быццам каханы,
Аднясі праз люстэрка дамоў.
Ацалення ад стомы паганай
Прагне чорная млявая кроў.
Абяры мяне для падарожжа,
Захапі ў свой салодкі палон!
Я чакаю, нібы ласкі Божай,
Адыходу ў спрадвечны той сон.
14.02.2018
Заклик
© Copyright: Мария Руслановна Шебанец, 2018
Свидетельство о публикации №118051009080
Свидетельство о публикации №118051009080
Рецензии