Уьмуьр физва, яд хьтин
Душманди гай гуьллеяр,
Йикъар, йисар, береяр.
Физва такваз авахьиз,
Уьмуьрдай чи, яд хьтин.
Шумуд йисан шегьерар,
К1ват1ай майва- бегьерар,
Экуьн кьилин сегьерар.
Физва такваз авахьиз,
Уьмуьрдай чи, яд хьтин.
И дуьньядал инсанар,
К1валин, къецин мугьманар.
Гьар жуьредин гьайванар,
Физва такваз авахьиз,
Уьмуьрдай чи, яд хьтин.
Чи багъларни, бустанар,
Дере -тепе, майданар,
Ракьун рекьин гьулданар,
Физва такваз авахьиз,
Уьмуьрдай чи, яд хьтин.
Гьар инсандин, фикирар,
Бахтлу, бахсуз уьмуьрар.
Чи к1вач экъвей жигъирар,
Квахьна физва авахьиз,
Уьмуьрдай чи, яд хьтин.
8 мая 2017
Свидетельство о публикации №118042806993