Хъебехъ, хъебехъа

ХЪЕБЕХЪ, ХЪЕБЕХЪА…

Инсанвал имдру дюньяйиъ
инсанар хъа артухъ хъюгъна чпин аднахъ.
Яраб гьап1уз ккунди айк1ан мурариз?!
Мелзну гафар ап1ур пну
юк1в кабсрадар аьхир к1вак.
Вардиз улупуз ккунди а чпинуб
хъа фици гъазанмиш дап1найиб вуш вижна ктар чаз…
«Узу, узу ишри яв улихь ва к1ваин,
увкан узуз к1урашра хъпехъурадарза.
Фуж вувахъа уву йиз улихь увухъ иб хъивуз?
Уву узухъ хъебехъ ва гагь-гагьнак “я-я-я” к1ури ап1ин.
Йиз гьунарар вуйиз аьхир мурар!
Увуси дарза гьа, хъебехъ, хъебехъ бали гьап1наш!
Гьамус, тмунур бализра дивурза дараматар,
гъадагъназа кьюреддизра гъуллугъарна машинар,
Кью-кьюб жилра хъайиз дурарихъ лап багьадар…
Магьа гьаци ву кас йиз ляхнар…»
…
«Хъа узу гьап1нухъа? – лихурача жарарихъ
амк1 идипну, амма девлету шуладар…
Имича ич саб хизан ич абин йирси хулариъ
арслар кайи цаларна гъац1арку хамхрар улиъ уьрхюри.
Гьит1ибк1убна тадабгъуб учуз балгдар
Аьлхъру машна ч1вяркъю лаваш –
магьа учуз айи хазнана дуланажагъ…»