Ч1ередик лап нур гуз ава муркуц1ар,
Пилте -пилте жив къвазава уьлкведа.
Элкъвенава гуьзгуьяриз чи вац1ар,
Вуч экуь я, зи Ватанда, Куьреда.
Чуьллерай т1уз, яргъи - яргъи маргъалар,
Эк1ягъ хьанва, памбаг ягъай яргъан хьиз.
Цифед кьулай къекъвезвай а чакъалар,
Аквазва лап, ялгъуз хьана чилиз физ.
К1амп1ур хьана живеди кьур дереяр,
Рехи хьайи дагълариз лап ухшар я.
Уьмуьр фена, къакъатзавай береяр,
Чи вилерай авахьзавай къашар я.
13 дек 2016
Кьуьд
© Copyright: Назиль Махмуд 76, 2018
Свидетельство о публикации №118042109897
Свидетельство о публикации №118042109897
Рецензии