Ахшам къой сирив геле,
Айыраман къойларым,
Очарда яшлар бёле
Къойлардагъы ойларым.
Унутулду тюслери,
Тапмайман башын-бавун,
Шо вакътиде къыздырып,
Явуп йиберди явун.
Жагьиллер адашдырып,
Теренге гетди ойлар,
Гёре-багъа ёкъ болду
Гёз алдымдагъы къойлар.
Бир жагьил бек къаст этип
Айыра къойларымны,
Англагъан буса ярай
Гьалымны-ойларымны.
Негетибиз бир болуп,
Бир болуп ойларыбыз,
Бир арандан чыгъагъан
Болсады къойларыбыз...
***
© Copyright: Зумурут Даидова, 2018
Свидетельство о публикации №118041909339
Свидетельство о публикации №118041909339
Рецензии