Вуч лугьурай за квез халкьар,
Дуьнья хьанва вирдаз масан.
Бине эч1и, кьуд пад ракьар,
Намус квахьай, хьанва инсан.
Бязибуру ийиз шадвал,
Хьанва хьи куьн, лап адават.
Пул гвачирла, ийиз шел - хвал,
Куьтягь тежер, квез хажалат.
И дуьньядал дуствал авач,
Ажеб дуьнья гьак1 хьанвахьи:
Багъри касдиз кьимет амач,
Лап инсанар ч1ур ханвахьи.
Гьукуматни кьилих физва,
Шукур хьуй ваз, я сад Аллагь!
Рекьиз са-сад, уьмуьр физва,
Гьикьван дяве жеда на лагь?!
Нивай кьада вуна хабар,
Дердер я хьи, куьтягь тежер.
Акваз абур, жезва рик1 дар,
Хъижен тийиз чандин хирер.
Умуьр физва гьак1 дат1ана,
Циф хьиз ава Дуьнья къе заз.
Икьван фаддиз, вил ат1ана,
Жедач дуьнья завайни кьаз.
3 июн 2015
И дуьньяда дуствал амач
© Copyright: Назиль Махмуд 76, 2018
Свидетельство о публикации №118041405771
Свидетельство о публикации №118041405771
Рецензии