Зав хъел хьана хъфена вун
К1енивилин пер хана.
Вучиз тунай гьиссер жуван
Пашман рик1ел хер хьана.
Зав твамир на ,жувахъ галаз
Хутаха , а гьиссерни.
Яргъа хьана къакъатрай фад
Санал тахьай рик1ерни.
Турт1а гьиссер абуру зав
Хъуьт1уьн къаяр агудда.
Зав хъел хьайи , вин гьиссерив
Рахаз уьмуьр акъудда.
Йисар фенвай , хъел хкатна
Вун зин патав хтайла
Серин зулуз зин ч1арариз
Гимишдин ранг атайла.
Зав хъел хьана
© Copyright: Гулья Мисриханова, 2018
Свидетельство о публикации №118041005134
Свидетельство о публикации №118041005134
Рецензии