Ялгъузвал

 Ша илифа,  салам це заз
Инсан хьиз рахух!
Катулрайни , къапарайни
Акъудмир артух.
Мегъуьн тар хьи зурба хьана
хилералди ви
Гьикьван хьурай гатаз зун на
Хъвамир зин иви.
Ша илифа, рак ачух я
Бесрай тегьнеяр
Къуншийризни хьанва чакай
Лугьур фитнеяр.
Мад ахъаймир вин дердер заз
Фагъир на куз-куз
Са жуваз килигайди , за
Хикида лугьуз.
Тахсир туш зин , хьана лугьуз
Хендедай лап фад.
Вин теклифдал рази я зун
Ялгъуз твадач мад.
Куьмекчи жеда зун ваз
Марварар цадай.
 Кас жеда ваз,  гьар юкъуз ви
Гьал хабар кьадай.
 Ша чна чин къуншийринни
Агалин сивер
 Заз чидайвал , къвезмай уьмуьр
Жеда чин иер.
 Къула ц1ай ават1ани вин
Чимивал авач.
 Тахсир вуч я? яшар физва
К1енивал авач.
Инсандиз хаснавай шарт1ар
Гуз алахъда ваз.
 Квадарда вин субайвални
За , инсандай кьаз.
Сундухарни  ацуьрна ваз
Чимивал гъида.
Уьмуьрдин тежриба авай
К1енивал гъида.
Анжах лугьуз жедач завай
  Давамрун гьикьван
 Чан аламаз , хьуй зин патав
чан алай инсан!