Икрагь хьанва , саддиз къугъваз
физ к1анзава куьчедиз
Я дах! заз мад са стха хьуй
Темен це на , дидедиз.
Куьн квехъ галаз рахадайла
Зун тек жезва , сефилдиз
Туьтуькъушдиз гъваш лагь ! стха
Алад ! куьн кьведни чуьлдиз.
Я тахьайт1а сала авай
Келемрай вах жагъура.
Фена хкваш чаз гъвеч1и руш
Къалура заз къалура.
Жезвачни бес духтурривай
Квез гуз аял, са гъвеч1и
Алад , кьведни лагь абуруз
Авайди чаз кьеб ц1ийи.
Эгер куьне гъун тавурт1а
Са вах жуваз хада за.
Къугъвадач мад зун нинийрив
Вах къужахда кьада за.
Аялдин фикирар
© Copyright: Гулья Мисриханова, 2018
Свидетельство о публикации №118041004653
Свидетельство о публикации №118041004653
Рецензии