Уьмуьр тухузвай , са к1вачел
Тарци желбна зун къе вичел.
Бегьерар гуз , фараш тир ам
Жезвачирт1ани вегьез кам.
Гъилер хкажнавай цавуз
Рагъ, вуна заз чим це лугьуз.
Руг ацукьиз кьац1узвай тан
Марфади чуьхуьзвай адан.
Дувулар къекъуьриз чиле
Тар авай уьмуьрдин рекье
Ара физ , кьилел гар алаз
Сирер вичин лугьуз адаз.
Ттаб гуз тахьайла мекьериз
Хъипи тав ягъда пешериз
Залан парни ттвадач хилел
Вичин девлет вегьез чилел.
Чан гуда гьа к1вачин кьилел
Гьалтайла , азраил , вичел.
Нефес дар я лагьана
Рекьида , ярх тахьана.
Тарцин уьмуьр
© Copyright: Гулья Мисриханова, 2018
Свидетельство о публикации №118040809416
Свидетельство о публикации №118040809416
Рецензии