Болар гьалда къалардай

Нурьяна Арсланова
Яшлыкъ, къайда барасан?!
Бек алгъасап...
Яланаякъ мен кёп чапгъан
Орамланы отун таптап...
...
Атъялмандай кёп атылгъан
Тереклени боюн бийлеп,
Юрекдеги дертлеримни
Бирикдирип, яхшы ийлеп,
Ерден арек йыракълагъа
Оьзюнг булан алып гет,
Инсан аякъ басылмагъан
Яр ягъагъа салып гет...
Ят ерде де тамур салып
Чечеклерин ачмасын,
Гюз янгурдан сугъарылып,
Урлукъларын чачмасын.
Гюллеринден агъулангъан
Силкинмесин аламлар,
Оьсген гюл деп дерт урлукъдан
Тартынмасын адамлар...
Юрекдеги дертдеримни
Оьзюнг булан алып гет,
Инсан аякъ басылмагъан
Яр ягъагъа салып гет...
Яшав толкъун къайсы янгъа
Ташласа да, нетсе де,
Лап аявлу адамларым
Къоюп мени гетсе де,
Янгы яшав башламагъа
Гюнешден гюч алардай,
Яшда йимик иржаймагъа
Болар гьалда къалардай.
 


© Copyright: Нурьяна Арсланова, 2018
Свидетельство о публикации №118032802354
Список читателей / Версия для печати / Разместить анонс / Заявить о нарушении
Другие произведения автора Нурьяна Арсланова
Рецензии
Написать рецензию
Другие произведения автора Нурьяна Арсланова