Биз гетербиз!

Нурьяна Арсланова
Биз гетербиз! Бизден алда
Гетген йимик хыйлылар!
Биз гетербиз! Гетген йимик
Бизден хыйлы сыйлылар!
 
Биз гетербиз! Ёкъ экенге
Къалагъанлар ерлерде...
Биз гетербиз! Гетерибиз
Унутсакъ да бир-бирде...
 
Бир иржайсакъ бир минг сызлап
Юрекдеги ярабыз,
Къаткъагъы кёп ёллар булан
Гетмеге деп барабыз...
 
Сёзню сёзге бичип, къуюп,
Къурагъандай такъмакълар,
Биз барабыз, сатырлардан
Эшип узун сокъмакълар,
 
Асрулардан асрулагъа
Бирлигибиз ташыма,
Биз гетсек де Йыр къалсын деп
Къумукътюзде яшама...
 
 


© Copyright: Нурьяна Арсланова, 2018
Свидетельство о публикации №118032802338
Список читателей / Версия для печати / Разместить анонс / Заявить о нарушении
Другие произведения автора Нурьяна Арсланова
Рецензии
Написать рецензию
Другие произведения автора Нурьяна Арсланова