Эришербиз, бир-биревге
Сёйлемей де турулар.
Хатирлени гючлюсюнден
Башлар янгъа бурулар.
Тек ахырда ойлашарбыз,
Гертиликни тангларбыз.
Ахырда биз юреклени
Сеслерине тынгларбыз.
Бирден эки башлагъанда
Язлар къышгъа ошама,
Болмайгъанны англагъанда
Бир-биревсюз яшама,
Гюл ёлума нюр яярсан,
Янгыдан сыр чечермен.
Сен де магъа иржаярсан,
Мен де сенден гечермен.
Мен де сенден гечермен
© Copyright: Нурьяна Арсланова, 2018
Свидетельство о публикации №118032604143
Свидетельство о публикации №118032604143
Рецензии