Жума гюнлер бизин сыйлы гюнюбюз,
Жумагюнню байрам йимик гёзлейбиз.
Неге тюгюл гьар жумагюн жыйылып,
Ёлубузну юртгъа багъып тюзлейбиз.
Гележек деп авлетини яшлары,
Онда бизге атам-анам къарайлар.
Сагъынч къыйнап, гьар гюн ёлгъа бозарып,
Жумагюнню бизден де бек сорайлар.
...Ашамайлы ятмагъа да разимен,
Савлай дюнья арт берсе де къояман...
Ата-анамны эки йылы сёзюнден,
Лап татывлу ашдан йимик тояман.
Сына, Аллагь, бизин тюрлю кюй булан,
Тек, тилеймен, тийме атам-анама.
Жумагюнню гёзлемесдей гюн берип,
Яратгъаным, ялбараман, сынама.
Сынама
© Copyright: Нурьяна Арсланова, 2018
Свидетельство о публикации №118032604089
Свидетельство о публикации №118032604089
Рецензии