Билсем де

Нурьяна Арсланова
 
Мен гетемен... Яшавунгдан, ёлунгдан,
Дагъы бирде къайтмас йимик гетемен…
Йыргъа салып сюювюмню гьалларын,
Сагъа дагъы айтмас йимик гетемен…
 
Болмасын деп уллу сююв абурсуз,
Айтылмасын учун атым ямангъа…
Языкъ юрек къалып аякъ тюбюнгде,
Тапталгъаны, янчылгъаны тамангъа...
 
Етим яшдай токътагъангъа сюювюм
Гюл орнунда тийип ярны ташына...
Мен гетемен... Унутмасгъа ант берип,
Сюйсенг тийип яшларымны башына...
 
Мен гетемен... Къайгъылагъа байланып,
Сенсиз гюнге чыдап болмай оьлсем де...
Мен гетемен... Ярты ёлдан айланып,
Гетип болмай къайтарымны билсем де...


© Copyright: Нурьяна Арсланова, 2018
Свидетельство о публикации №118032604033
Список читателей / Версия для печати / Разместить анонс / Заявить о нарушении
Другие произведения автора Нурьяна Арсланова
Рецензии
Написать рецензию
Другие произведения автора Нурьяна Арсланова