(Абдулла Хайруллаевич Альбориевге)
Бугюн йимик гёз алдымда шо гюнлер
Гьалым мени осаллаша барагъан.
"Къызыма чы гёз тийген", - деп, алгъасап,
Уллу анам гёз этип де къарагъан.
Гьалым мени осаллаша барады...
Эсимде бар юрт докторгъа элтгени.
Гёзлеримни, ачылмагъа гючю ёкъ,
Шо бир доктор жан салгъандай этгени.
Йыллар оьтдю. Къаркъарама шо бошлукъ,
Аллагьыма шюкюр, дагъы гелмеди.
Мен оьзюне алгъыш этип тургъанны
Малайик деп ат такъгъаным билмеди.
Баракалла, Къумукъ Тюзню уланы,
Эр къылыкълы, дюнья уьлгю алардай.
Къысмат Сизге доктор гёзден къарасын
Малайик деп ат такъмагъа болардай.
Ат такъмагъа болардай
© Copyright: Нурьяна Арсланова, 2018
Свидетельство о публикации №118032511001
Свидетельство о публикации №118032511001
Рецензии