Аналаны байрамы

Нурьяна Арсланова
 
Аналаны байрамы
Ювукъ бола гюн сайын,
Анам учун лап яхшы
Савгъат тапма не къыйын!
 
Гечелер гелмей юхум,
Уллу ой тюшген магъа.
Арив-арив савгъатлар
Акъчам да ёкъ алмагъа.
 
Бола бусам анама
Кёп гюллер жыяр эдим...
Анам юрюйген ёлгъа
Барын да яяр эдим...
 
Болмасам да гюл жыйып,
Къой, этейим адатын,
Уллу-уллу кагъызгъа
Шо гюллени суратын...
 
Бираз уллу болайым –
Бары гюлню жыярман!
Анам юрюйген ёлгъа
Барысын да яярман!
 


© Copyright: Нурьяна Арсланова, 2018
Свидетельство о публикации №118032510937
Список читателей / Версия для печати / Разместить анонс / Заявить о нарушении
Другие произведения автора Нурьяна Арсланова
Рецензии
Написать рецензию
Другие произведения автора Нурьяна Арсланова