Бугюн огъар гюллер алып барасан,
Гюл байламынг къучагъынга сыйышмай.
Тюз айтасан, тюз айтасан, аявлум,
Магъа гюллер берме сагъа къыйышмай.
Тюз айтасан, минглер булан ёлланы
Арасында бир ёкъ сагъа элтежек.
Гюл де сенден гёзлемеймен, тарыгъым,
Барлыгъынг да сени магъа етежек.
"Сюйгеним" - деп бермеген сонг ал гюллер,
Юрегингни сама магъа ёрарсан.
Гюллер берип сен насипли этгенлер,
Мендей сени сюермикен, къарарсан.
Къарарсан
© Copyright: Нурьяна Арсланова, 2018
Свидетельство о публикации №118032510869
Свидетельство о публикации №118032510869
Рецензии