Мени уьюм, яшым-башым,
Сеники де шо кюйде,
Дерт тюйдюрген гёзюнг-къашынг,
Меники де шо кюйде.
Йыллар сени алышдыргъан,
Мен де башгъа болгъанман,
Тек алдындай гьислериме
Гьалал кюйде къалгъанман.
Болагъаны болгъан энни,
Алгъасама ер де ёкъ,
Рази тюгюл юрек буса
Къайтып гьалек эртенокъ.
......
Болса болсун, огъар да мен
Бир амаллар этермен,
Чыдамасдай сагъынсам да
Азиз гёзюнг-къашынгны...
Тек шо бизин орамлардан
Оьтюп нечик гетермен,
Ойнай туруп гёрсем онда
Мен тапмагъан яшынгны...
Нечик оьтермен
© Copyright: Нурьяна Арсланова, 2018
Свидетельство о публикации №118032510859
Свидетельство о публикации №118032510859
Рецензии