***
Снег ідзе. Маўчыць ваколіца.
Ды дахаты хтось брыдзе.
Мілы край мой нібы вольніца
І для снегу, й для людзей.
Снег ідзе. Маўчыць ваколіца.
Хтось брыдзе. І ён маўчыць.
Родны край нібыта вольніца.
Дык чаму ж у ім не жыць?
Снег ідзе. Маўчыць ваколіца.
Праз акно гляджу, маўчу...
Снегу тут такая вольніца!
Вось і я такой хачу.
23. 03. 2018 г., 31. 12. 2023 г.
Снег iдзе. Маучыць ваколiца...
© Copyright: Юрий Боровицкий, 2018
Свидетельство о публикации №118032308591
Свидетельство о публикации №118032308591
Рецензии