***
Памяці бабы Лексы
Калісьці у Лексіным садзе
Збіраў у бітончык маліну.
У Лексіным добрым паглядзе
Было ўсё, бы напалавіну:
Журба й весялосць у паглядзе,
Сардэчнасць і смутак халодны.
А колькі маліны ў тым садзе!
Наеўся б, які ні галодны!
І не шкадавала ніколі
Ні ягад здзічэлага саду,
Ані адзінокае долі,
Ані залатога пагляду.
Ні Лексы няма, ні маліны,
Ні пчолак руплівых у садзе.
Гараць на тым месцы рабіны,
Бы колісь душа… у паглядзе.
22. 03. 2018 г.
Калiсьцi у Лексiным садзе...
© Copyright: Юрий Боровицкий, 2018
Свидетельство о публикации №118032212002
Свидетельство о публикации №118032212002
Рецензии