Бахтлу кас я къекъвезвайди цавара:
Яраб адаз дуьньядин гьал хуш ава?
Таб, гьиллени хьайи ч1авуз ашкара,
Ахпа жеда: «Им вучтин чаз гуж ава?»
И дуьньядал чун са герен мугьман я,
Гьалтайди чал къе ихьтин са заман я,
Къуй веледриз амукьуй вич масан яз!
Веледрилай, мад ширин чахъ вуж ава?
Чаз эркекар, кьегьаларни пара я.
Вуч себеб яз чи араяр чара я?
Эй, чи намус! Вуна хьайтlан гьарая!
Намусдилай, мад жавабдар вуч ава?
Шарвилиди лагьана: «Заз хабар я!
Куьн герексуз алахъунрал дидар я.
Им са куьлуь галукьнавай шагьвар я.
Куь рикlера къайгъударсуз гуж ава».
Жув батlул яз, чарадан пар агъурмир,
Гужуналди жуванди на мажбурмир,
Вунни гьалчда, яд чарадан рагъулмир;
Гьуьрметдилай мад багьа чахъ вуч ава?
Кьулуникай сим элит1ай чунгур жеч,
Къизил кьараз вигьиналди я цур жеч,
Рикlиз кlанда, жуван Ватан машгьур жен,
Ватандилай, мад ширин чахъ вуч ава?
Ватандилай, мад ширин чахъ вуч ава?
© Copyright: Магомед Мирзоев Мирзой, 2018
Свидетельство о публикации №118032111462
Свидетельство о публикации №118032111462
Рецензии