Ты сказала мне ў вечар той,
Калі сонца схавала промні:
Абагрэй мяне, супакой
І цяпло маіх рук запомні.
"Абагрэй мяне, супакой" --
Грала ў сэрцы пяшчотнай нотай.
Там каханне цякло ракой
І развітваўся дзень з самотай.
Прыпеў.
Сёння ты для мяне адна.
Сёння я для цябе адзін.
Вып'ем вуснаў няктар да дна --
Няхай месяц на нас глядзіць.
Неба зорнага далячынь
Зазірнула каханню ў вочы.
Памаўчым давай, памаўчым
І дарогай адной пакрочым.
Прыварожвае белы май,
Залацісты світанак весні:
"-- Абдымай мяне, абдымай,
Каб гучала каханне песняй".
Прыпеў.
Сёння ты для мяне адна.
Сёння я для цябе адзін.
Вып'ем вуснаў няктар да дна --
Няхай месяц на нас глядзіць.
Абагрэй мяне, супакой
© Copyright: Валерий Познякевич, 2018
Свидетельство о публикации №118031703561
Свидетельство о публикации №118031703561
Рецензии