***
Узыходзіць востры месячык,
Ледзьве бачны маладзік.
Ён маленькі ў небе месціцца,
Да яго даўно прывык.
Месячны свой пачынаючы
Хоць кароткі, але век,
Ён плыве, з сабой гуляючы,
Бы ў маленстве чалавек.
Я гляджу вачыма сталымі:
Легкадумна як плыве
Ён над мроямі расталымі,
Бо пакуль без іх жыве.
17. 03. 2018 г.
Узыходзiць востры месячык...
© Copyright: Юрий Боровицкий, 2018
Свидетельство о публикации №118031711306
Свидетельство о публикации №118031711306
Рецензии