***
Вясна з зімой касуе пагадненне
Аб белым снезе, маразах, завеях.
Ёй у душу закралася сумненне,
Што з імі надысці яна сумее.
Таму і просіць скасаваць дамову,
Пазбавіць луг і поле ад снягоў,
Каб ёй прыйсці, закрасаваць нанова
Абсягамі зялёнымі жытоў,
Рамонкамі абапал сцежкі ў полі,
Ружовымі карункамі садоў,
Каб ёй цвісці, каб ёй гуляць на волі,
Каб умывацца пошумам дажджоў.
Вясна з зімой касуе пагадненне
Аб белым снезе, маразах, завеях.
Ёй у душу закралася сумненне,
Што з імі надысці яна сумее…
12. 03. 2018 г.
Вясна з зiмой касуе пагадненне...
© Copyright: Юрий Боровицкий, 2018
Свидетельство о публикации №118031207603
Свидетельство о публикации №118031207603
Рецензии