Экъеч1 лугьуз лап майдандиз,
Дили хьанва вун.
Кьуьгъуьр ят1ан, гьа ви чандиз,
Къведай хьи лап зун.
Югъди, йифди на садазни,
Гузвач хьи ахвар.
Гишин хьайла гьа вадазни,
Яда на к1асар.
Вуч кич1ер заз гузва вуна,
Къуй ягъиз йифиз.
Ша зи патав юкъуз, кьуна
Тум т1арам к1евиз.
Кич1е туш заз, гьич вакайни,
Я ви сивихъай.
Сик1рен гъил на яхъ кьвеч1икай,
Ахпа рик1 ахъай.
Вучда вакай хьана ахьтин,
Жанавур кьец1и.
Я мез тахьай ширин, михьи,
Сарар жен хци.
Жуван цацар, ак1урда за,
Тек хьалхьамра ви.
Гудач за ваз пара жаза,
Авахьда иви.
Ви кьил за гьич кьадач, ахмакь,
Айиб тушни ваз.
Тежер к1валах вавай, нагьакь,
Лугьузва на заз.
Кьуьгъуьрни жанавур
© Copyright: Назиль Махмуд 76, 2018
Свидетельство о публикации №118031207242
Свидетельство о публикации №118031207242
Рецензии