***
Цінькае сінічка пад страхою,
І ляціць, як зорачка, сняжынка.
Павіншую я цябе з вясною,
Мілая, пяшчотная дзяўчынка.
Пажадаю, каб цвіло каханне
Белай-белай квеценню садоў!
Каб глядзела ты з замілаваннем
На сваіх сябровак і сяброў!
Каб душа спявала, бы званочак,
Як сінічка сёння пад страхой!
Падару вясенні свой радочак
Самай любай, самай дарагой!
Цінькае сінічка пад страхою.
І ляціць, бы зорачка, сняжынка.
З новым шчасцем, з маладой вясною,
Сноў маіх нязгасных азарынка!
08. 03. 2018 г.
Цiнькае сiнiчка пад страхою...
© Copyright: Юрий Боровицкий, 2018
Свидетельство о публикации №118030804974
Свидетельство о публикации №118030804974
Рецензии