Чичl авахьна мичlи хьайи дереда
Заз дуьньядин гьал перишан акуна.
Хажалатни акатнай и береда,
Усалдаказ заз зи макан акуна.
К1вал амачир харапlаяр, етим хьиз
Килигзавай: фикирнай чеб даим хьиз.
Ахмакьдани фикирнай вич гьаким хьиз;
Заз кьисметдин кьадар аскlан акуна.
Намуссузар жеда кlурук явайрин,
Сесер къведа язухринни, сузайрин,
Насигьатни квадарнавай бубайрин,
Лавгъа хьайи, четин заман акуна.
Тийиз хьайт1а амал жуван тарихдал,
Туп хьана ваз ажуздани басрухда,
Уьмуьрдин рехъ акьуллуда ачухда:
К1евевай хьиз заз зи Ватан акуна
Тlуб элкъуьриз, паталлайдал гьужумиз,
Чанда авай агъу, зегьер малумиз,
Халис хесет чинеба кьаз, магьрумиз.
Заз акьулдин асул-душман акуна.
Шадвал ийиз мусибатдал чарадан:
Файдадал вил алаз, цlаюн арада.
Иесини квахьай карван-сарадай
Заз завалдин дава–дарман акуна!
Заз завалдин дава-дарман акуна
© Copyright: Магомед Мирзоев Мирзой, 2018
Свидетельство о публикации №118030605353
Свидетельство о публикации №118030605353
Рецензии