Мубарак
Даршдусла дазуличиб
Хьулбик1ули г1ях1личи,
Бихьиб игьдибар шанта
Къелг1еббикахъес мактаб.
Убла бек1деш диранта
Букьурли датурти къел
Калахъес г1урра мурхьли,
Харжкадарри г1якьлу-ц1акь.
Барскъа дунъяла ласли
Ласирадра, чарливан,
Балулра мут1иг1х1ерни
Г1яшул къаркъа шинниван.
Кьудратла Вег1ли х1ед габ
Арадешра ахърира,
Нартанигъунти уршбас
Шаласи челябкьлара.
Нешла у бихусилис
К1ел рурсила талих1ра,
Г1ямрула рархкья Аннис
Г1уррара ях1-сабурра.
Кумеклис багьадурти
Батаб х1ела унруби,
Шадлихъличицун башаб
Х1ечи шанти, тухумти.
Берх1и дях1си юртличи
Верх1ел зурх1яб адулхъаб,
Баракатла анкъилаб
Ахъли зайбик1аб "Дерхъаб".
Г1ях1ли бахъал дудешла
Бахъли балул у х1ела
Белк1аб мургьила хат1ли
Табтуртази тарихла.
Гаджимураду Раджабову 70 лет
© Copyright: Хадижат Омарова, 2018
Свидетельство о публикации №118022107289
Свидетельство о публикации №118022107289
Рецензии