Атолулар чюйге бёркюн илеген,
Ата юртум, сагъа алгъыш тилеймен,
Сав дюньяда юрт ёкъ, огъар гелеген,
Ондан Азиз ерни мен чи билмеймен.
Яшасам да Ата юртдан йыракъда,
Ата юртум эсге геле чакъ_чакъда.
Гюл яшлыгьым, бары мени барлыгъым
Къалгъан иймик Ата юртум бар якъда.
Ата юртдан енгил абат алгъышым,
Ата юртдан енгил чыгъар тынышым,
Ата юртгъа даим мени алгъышым,
Ата юртун аздыргъангъа къаргъышым.
Бу дюньяда кёп ерлени гёргенмен,
Гёрмегенмен Ата юртгъа етгенин,
Эсге гелсе,янып-гююп гетемен
Аз экеним Ата юртгъа этгеним.
Бу дюньяда айлансам да мен къайда,
Гьеч сёнмейген сююв тутуп юрекден,
Кёпню гёрген атайымдай, артымдан
Ата юртум къарап тура арекден.
Алгьыш
© Copyright: Зумурут Даидова, 2018
Свидетельство о публикации №118021312288
Свидетельство о публикации №118021312288
Рецензии
Здравствуйте Замурут. Прочитал вашу экспериментальную лирику. Вспомнил поэзию футуристов. Они тоже любили придумывать несуществующие слова. Творческой вам удачи. И пусть хранит вас Господь.
Семен Канторович 14.02.2018 00:02 • Заявить о нарушении
Семен Канторович 14.02.2018 00:02 • Заявить о нарушении