Память

Хадижат Омарова
Верх1лизи ухъеси ца

Х1у абали варкьила,
Багьладеш х1ебагьурси
Машгьур мушлукьяла чарх
Марлира, бамсур вара?

Арк белкун уркурлисван,
Бахъла мах дек1биубли,
Ак1убла сахаватси
Урк1и баргбердиб вара?

Тухумтас ах1ерсири,
Ц1уръабас аба кьяйда,
Шантас х1у х1яжатсири,
Къалалис къапу кьяйда.

Нешлис вахъ г1язизкъира,
Гъамтас вахъ дигукъира,
Арухили х1ечил варх
Зазала Г1ябдуллара,

Х1ела г1ях1лира х1ертас
Г1ях1ла пай уббяхъили,
Буц1ар х1ярх1я игьубсин,
Арякьун х1у хапли.

Хабарли урк1аили,
Т1ак1ли х1ела Пат1имат,
Бирхаэс х1е бирули,
Къагъли х1ела х1ябал нарт.

Бареси х1е ба лули,
К1елра халати узи,
Буц1иван авбик1ули,
Язихъли х1ела рузби.

Дец1ла ц1а чекакьурли,
Шанти марайбарили,
Ванали хьураварри
Шила дурхъал г1янжили.

Верх1лизи ухъеси ца,
Ва абала узикьар,
Даргала машгьурбареси
Гъубзназив х1ура кавлад.


© Copyright: Хадижат Омарова, 2018
Свидетельство о публикации №118021006546
Список читателей / Версия для печати / Разместить анонс / Заявить о нарушении
Другие произведения автора Хадижат Омарова
Рецензии
Написать рецензию
Другие произведения автора Хадижат Омарова